GAPAS. Maysa daytoy a baket (ngato) kadagiti mapan tumultulong iti panagpagapas dagiti padada a mannalon nga immunan a nagani tapno umaydanto met tumulong kadakuada inton madanon ti panangpagapasna. Ordinario ti kastoy a buya a naala iti Alilem, Ilocos Sur no panawen ti panagaani iti Kailokuan. (ladawan:Dante Tacata/teksto:Mancielito S. Tacadena)

NAPUDOT A SINANGLAW. Kapudpudotanna a sinanglaw ken tinuno a karne ti baka ti impaidasar ni Cabugao Mayor Edgardo “Ediboy” Cobangbang, Jr. (maikadua manipud iti kannigid) iti grupo ti Tawid News Magasin a pakairamanan da retirado a polis Mario S. Purugganan (sango, kannawan) ken Severino Purugganan (kaabay ni Mayor Cobangbang) iti ipapanda panagpasiar iti dayo ditoy [...]

EMERGENCY MEETING. Emerhensia a nagmimiting dagiti nangbukel iti RDRRMC1 tapno monitorenda ti namsaakan ni Bagyo Pedring iti rehion ken maiwayat dagiti nadaras ken nasaysayud a pannakatulong dagiti naapektaran iti kalamidad.

TURISTA ITI VIGAN HERITAGE VILLAGE. Nabannog siguro dagitoy a turista (ngato) a nagna iti panagpallailangda iti Vigan Heritage Village isu a kinasaritada ti maysa a kutsero tapno agluganda laengen nga agpasiar. Magustuan dagiti turista a pagpasiaran ti Heritage Village ta ditoy ti pakakitaan kadagiti duog a balay idi tiempo ti Kastila. (Salvador A. Espejo)

MODEL PNP FAMILY. Pinadayawan ti Provincial Peace and Order Council ti Ilocos Sur nga imbagian ni Vice Gov. Deogracias Victor Savellano ni SPO4 Rogelio Davalos (maikatlo manipud kannigid) kas Model PNP Family ti probinsia sadiay Salcedo, Ilocos Sur kabayatan ti KAPITOL Outreach Program idi Septiembre 14. Karaman iti retrato dagiti dadduma nga opisial a pakairamanan [...]

HERITAGE CITIES SOLIDARITY CELEBRATION – Indauluan ni Vigan City Mayor Eva Marie Singson-Medina dagiti city officials a pakairamanan da Kon. Loreto Quibilan, Kon. George Villanueva ken Kon. Audie Agdamag a nagbuya iti abagatan a paset ti Cafe Leona dagiti presentasion dagiti nadumaduma a cluster barangays ti Vigan City a naangay idi Septiembre 3, 2011. Adda [...]

LOS ANGELES INTERNATIONAL AIRPORT – Vice President Jejomar C. Binay personally congratulates the Philippine Airlines crew led by flight Captain Efren N. Enverga who made a successful emergency landing at Los Angeles International Airport Saturday. With Enverga are Mark Baniqued, Mark Victor Misa, and Villamor Feria Jr.

SANGAILI. Sinangaili dagiti taga-Ilocos Sur nga agnaeden iti Hawaii a pakairamanan da Rose Sabangan, Espie Sumibcay ken Eugenio Purugganan (kakannawanan) ni Cabugao Mayor Edgar Cobangbang nga inawis ti Ilocos Sur Association of Hawaii (ISAH) a kangrunaan a sangaili iti maysa a pasken ti gunglo a panangpadayawna kadagiti outstanding a kamkamengna a naangay idi Agosto 27 [...]

UBING NGA AGSAKIT TI DENGUE. Nagpasiar ni Gov. Luis “Chavit” Singson kadagiti district hospitals tapno ammuenna ti kasasaad dagiti agsakit iti dengue a kas ni Reynalyn Cardenas, taga-Bantay, Ilocos Sur. (ladawan:Dante Tacata/teksto:Mancielito S. Tacadena)

SORPRESA A PANAGBISITA. Sinorpresa ni Gov. Chavit Singson dagiti pasiente iti ward ti Gabriela Silang General Hospital ket kaduana ni Dr. Winston Aguirre, hepe ti GSGH a nangkita iti kasasaad dagiti pasiente a matamtaming iti nasao a balay pagagasan. Paset ti ibibisita ti gobernador ti panangkitana no adda dagiti paset ti ospital a kasapulan ti [...]