BINATBATAN FESTIVAL. Makaalino ti isem dagitoy sumasala ken ingget lap-it ti bagida a nangkumpas iti tokar bayat ti ilalabasda iti entablado a nagbuyaan dagiti opisial ti Vigan City nga indauluan ni Mayor Eva Marie S. Medina ken dagiti sangaili idinto a naglilinia dagiti tattao iti igid ti kalsada tapno imatanganda daytoy tinawen a maang-angay ditoy [...]

Kadua ni Vigan City Mayor Eva Marie S. Medina da Archbishop Ernesto Salgado, Msr. Gary Formoso ken dadduma pay a negosiante a pakaibilangan ni dati a Rep. Felipe “Jun” Abinsay a naglugan iti umuna a biahe ti bangka kalpasan ti pannakabendision ken pannakainagurar ti river cruise iti Mestizo River itay Mayo 1. (Salvador A. Espejo)

Iti baet ti kaaddan dagiti kabaruanan a makina nga aramaten iti talon, ti pay la nuang ti pagkammatalkan ni mannalon kadagiti trabahona iti talon, kas iti panagarado, panagpalpal, panangibiahe kadagiti apit a nateng ken dadduma pay a produkto iti talon a mailako iti tiendaan ken panangitulod iti nagatud a bulong ti tabako (ngato) iti pugon [...]

Getgettengen da Sen. Ramon Revilla (sango, kannigid) ken Narvacan Mayor Edgardo Zaragoza (sango, kannawan) ti laso kas tanda ti panaglukat itay Marso 27 ti Narvacan Mall a kukua ti LGU ti Narvacan. Kaduada iti ladawan da actor Philip Salvador (likud ni Revilla), SK Federated President DJ Savellano (likud ni Salvador) ken Vice Gov. Jerry Singson [...]

Nasalukag ni Filipino ta uray iti aniaman a lugar, okasion wenno panawen, adda latta mapanunotna a pamuspusan tapno maiwaragawagna ti produktona tapno makatged wenno makapastrek iti kuarta kas iti daytoy a lalaki a nakiparada a baklayna dagiti lakona a dalangdang iti Panagbenga Festival iti Baguio City. (Jasper A. Espejo)

Iwaswasiwas ti maysa a katutubo ti kawitan tapno makita ti sibubukel a tallaong sakbay a maidaton kas kiddaw wenno panagyaman iti nabun-as nga apit. Maysa daytoy kadagiti ritual dagiti tribu iti kabambantayan ti probinsia ti Ilocos Sur no adda parambak wenno pasken a kasapulan ti panagtadek wenno panagkaniaw. (Salvador A. Espejo)

Impakita ti San Juan Dancers ti laingda nga agsala iti streetdancing competition a tampok a pabuya iti pannakarambak ti Kawayan Festival ti probinsia ti Abra a naangay itay Marso 6-9, 2009. (Arlon Serdenia/Danny Antalan)

Marayray-awan ti maysa a balasang a makipatpatang iti maysa a polis iti Cordillera sakbay a nakipartisipar daytoy iti grand parade iti Rambak ti Sabong wenno Panagbenga 2009 a naangay iti Baguio City itay Marso 1. Nagbalin a sentro dagiti polis-Cordillera agsipud ta imbes a pantalon, nagaruatda iti nabursi a baag. Segun iti Department of Tourism, [...]