BANTAY, Ilocos Sur – Addanton pakailasinan dagiti traysikel kadagiti kolorum nga agpaspasada gapu ta addanton sticker a maipigket kadagiti lugan ditoy nga ili.

Segun ken ni Konsehal George Llanes, chairman ti committee on transportation ditoy nga ili, maiwarwarasen dagiti stickers a nakailanadan ti Dur-as Bantay kadagiti traysikel nga addaan prangkisa ken permit nga agpasada ditoy nga ili.

Kalpasan a maiwaras dagiti stickers, matiliwton dagiti traysikelan a saan a nakapabaro iti prangkisada.#