STA. MARIA, Ilocos Sur – Maysa a barge ti naisadsad iti katangriban iti paset ti Barangay Suso ditoy nga ili idi parbangon ti Hunio 21.

Segun iti report, kukua ti Arpene Pratama Ocean Line ti nagkarga iti graba ken uging a barge a mapapati a naggapu iti Indonesia ken agturong iti Sual, Pangasinan.

Mapapati a guyguyoden ti tugboat a Benowa ti barge ngem napugsat ti kable a puon ti nakabatianna iti taaw.

Segun kadagiti lumugar, nakangegda iti napigsa a kanabraag ket idi agsukimatda, nakitada ti barge a naisadsad iti katangriban.#