NARVACAN, Ilocos Sur – Uppat ti nasugatan idi nagdinnungpar ti maysa a traysikel ken kotse iti sitio Limmansangan, Barangay Margaay ditoy nga ili.

Nadunor ni Eduardo Soriano, baro, residente iti Sulvec ditoy ken dagiti tallo a menor de edad a pasaherona idi nakidinnungpar ti traysikel a minanehona iti maysa nga Starex van a minaneho ni Celestino Manzano, 35, residente iti Baringcucurong, Suyo, Ilocos Sur.

Segun iti inbestigasion dagiti polis, oberteykan koma ni Soriano ti sarsarunuenna a lugan ngem sumungad met ti Starex a puon ti nagdinnungparanda.

Naitaray dagiti uppat iti maysa nga ospital para iti pannakaagas ti sugatda.#