CANDON CITY – Nayospital ti maysa nga estudiante ababai gapu iti pannakatinnagna iti traysikel a naglugananna.

Nayospital iti St. Martin de Porres Hospital ni Maureen Domogen, first year student ti UNP-Candon, agnaed iti Suagayan, Quirino, Ilocos Sur, gapu iti pannakatinnagna iti traysikel a minaneho ni Zaldy Gacilan, residente iti Talogtog ditoy met laeng a siudad.

Mapapati a nag-overtake ni Gacilan sa kellaat a kinabigna ti manibela iti panagturongna iti liniana a gapu ti nakatinnagan ni Domogen a naggian iti likud ti drayber.#