NARVACAN, Ilocos Sur – Imbilin ti mayor ditoy babaen ti maysa nga executive order ti istrikto a pannakamonitor iti implementasion ti Senior Citizens Act of 2000.

Kangrunaan a mamonitor ti pannakaimplementar ti 20% discount para kadagiti senior citizens ditoy nga ili.

Napatulodan iti nasao a pammilin dagiti botika, department stores, restaurants, public utility vehicles a pakairamanan dagiti dyip ken traysikel.

Mamulta dagiti aglabsing iti P500 iti first offense, P1,000 iti 2nd offense, ken P3,000 ken pannakakansela ti business permit para iti third offense.#