VIGAN CITY – Kiniddaw dagiti traysikelan ti pannakalukat dagiti kalsada iti aglawlaw ti Plaza Burgos iti aldaw ti Sabado ken Domingo iti daytoy tiempo ti matutudo.

Kangrunaan a rason dagiti traysikelan iti daytoy a kiddawda ti pannakabasa dagiti pasahero ken dagiti turista ta magmagnada a mapan sumuknal wenno agpasiar iti Simbaan ni San Pablo.

Marikpan ti aglawlaw ti Plaza Burgos kadagiti behikulo babaen ti maysa nga ordinansa kas paset iti pedestrianization iti daytoy a paset ti siudad tapno nawaywaya dagiti turista ken sangsangaili nga agpasiar ditoy iti Sabado ken Domingo.#