SARRAT, Ilocos Norte – Dua a dadakkel a proyekto ditoy Region I ti binisita ni Pres. Gloria Macapagal-Arroyo idi Enero 27.

Inunagaran ni Pres. Arroyo ti baro a rangtay iti Sarrat, Ilocos Norte ken binisitana ti Banaoang Pump Irrigation Project iti Bantay, Ilocos Sur iti daytoy nga aldaw.

Agatiddog ti rangtay ditoy nga ili iti 520 a metro ken naponduan iti nasurok P500 a milion.

Napunduan met iti P2.488 bilion ti BPIP a manamnama a maileppas inton Mayo daytoy a tawen.

Inatenderan pay ni GMA ti groundbreaking ti kabarbaro a Tarlac-Pangasinan-La Union Expressway (TPLEX).#